Калекцыйныя падарункі, фільтры пошуку паведамленняў і шмат чаго яшчэ

Сёння мы выпускаем першае абнаўленне Telegram за 2025, якое ўключае калекцыйныя падарункі, якія можна перадаваць або перасылаць іншым карыстальнікам, магчымасць адпраўляць рэакцыі на падзеі ў чаце, фільтры для пошуку паведамленняў, убудаваны сканер QR-кодаў і шмат чаго яшчэ.

Калекцыйныя падарункі

Падарункі, якія вы атрымліваеце ў Telegram, цяпер могуць быць калекцыйнымі. Калекцыйныя падарункі маюць асаблівыя ўласцівасці і могуць быць перададзены іншым карыстальнікам або выстаўлены на аўкцыён на рынках NFT.

Калі вы паляпшаеце падарунак, ён адкрывае новы выгляд з дзясяткаў індывідуальных варыяцый, створаных мастакамі Telegram. Калекцыйныя падарункі таксама атрымліваюць выпадковы набор другасных уласцівасцяў, уключаючы колер фону, значок і нумар. Гэта азначае, што кожны калекцыйны падарунак з'яўляецца унікальным творам мастацтва — і што некаторыя будуць больш рэдкімі, чым іншыя.

Калі вы купляеце падарунак для іншых карыстальнікаў, вы можаце адправіць яго ужо палепшаным — і назіраць, як яны распакоўваюць сваё калекцыйнае мастацтва прама ў чаце.

Калі вы хочаце атрымаць пэўныя ўласцівасці або хутка папоўніць сваю калекцыю, то можаце абменьвацца калекцыйнымі падарункамі з іншымі карыстальнікамі. Абмен адбываецца імгненна.

Рэакцыі на падзеі ў чаце

Калі хтосьці дасылае вам падарунак, далучаецца да суполкі або пачынае відэачат, у размове з'яўляецца спецыяльнае службовае паведамленне. Цяпер гэтыя паведамленні падтрымліваюць рэакцыі — так што вы можаце падзякаваць кіраўніку або прывітаць новых удзельнікаў усяго за два націскі.

Службовыя паведамленні таксама з'яўляюцца, калі нехта тэлефануе вам, змяняе фота профілю чата, дастасоўвае новы фон чата, пачынае розыгрыш — і шмат калі яшчэ.

Фільтры пошуку паведамленняў

Панэль пошуку ў вашым спісе чатаў дазваляе хутка знайсці паведамленні з любога з вашых чатаў. Вынікі ў ўкладцы «Чаты» цяпер маюць дадатковыя фільтры, якія дазваляюць удакладніць спіс, каб паказаць вынікі толькі з прыватных чатаў, суполак або каналаў.

Націсніце на іншыя ўкладкі ў інтэрфейсе пошуку, каб праглядзець нядаўнія загрузкі і агульныя медыя — або каб адкрыць для сябе папулярныя каналы і міні-праграмы.

Верыфікацыя ад пабочных сервісаў

Telegram дазваляе грамадскім асобам і арганізацыям прайсці Верыфікацыя, каб карыстальнікі маглі хутка вызначыць афіцыйныя крыніцы інфармацыі. Для далейшага паляпшэння празрыстасці ў Telegram афіцыйныя пабочныя сервісы цяпер могуць прызначаць дадатковыя значкі верыфікацыі да ўліковых запісаў і чатаў карыстальнікаў.

Гэтая дэцэнтралізаваная платформа для дадатковай верыфікацыі дапаможа прадухіліць махлярства і змагацца з дэзінфармацыяй — з унікальным праактыўным рашэннем, якое ўсталёўвае новы стандарт бяспекі для сацыяльных платформаў.

Калі чат або ўліковы запіс атрымлівае праверку ад пабочнага сервіса, перад імем з’яўляецца невялікая іконка. А калі вы адкрыеце старонку профілю, то ўбачыце падрабязнае тлумачэнне гэтага статусу і што гэта азначае.

Верыфікацыя ад пабочных сервісаў з'яўляецца цалкам асобнай ад «птушачак верыфікацыі», якія Telegram прадастаўляе для публічных асоб і арганізацый. Каб мець магчымасць праводзіць верыфікацыю для іншых, сервіс павінен спачатку быць правераны Telegram і падаць адпаведную заяўку.

Больш падрабязнасцяў аб верыфікацыі праз пабочныя сервісы даступна ў гэтым дапаможніку.

Карыстальніцкія эмодзі ў назвах папак

Кожны можа ствараць свае папкі для чатаў, каб спарадкаваць свае размовы. Назвы папак цяпер падтрымліваюць карыстальніцкія эмодзі, што дазваляе падпісчыкам Premium зрабіць свае папкі асабліва выразнымі — або больш мінімалістычнымі, замяніўшы тэкст на пэўныя значкі.

Больш за 12 мільёнаў карыстальнікаў Telegram падпісаны на Telegram Premium, які прапануе 30 эксклюзіўных функцый — такія як вышэйшая хуткасць загрузкі, імгненны пераклад чатаў, неабмежаваныя карыстальніцкія эмодзі і шмат чаго яшчэ.

Сканер QR-кодаў

Камера ў праграме на Android і iOS цяпер распазнае QR-коды, адкрываючы спасылкі ў вашым стандартным браўзеры — не згортваючы пры гэтым праграму.

Каб хутка адкрыць камеру ў праграме, змахніце управа на галоўным экране (а на Android націсніце на іконку камеру ў правым ніжнім куце).

Telegram дасягае прыбытковасці

У 2021 годзе Telegram упершыню пачаў укараняць манетызацыю для ўстойлівасці, каб заставацца незалежным і падтрымліваць свой рост на працягу многіх гадоў.

У 2024, дзякуючы падпіскам Premium, рэкламе, якая захоўвае прыватнасць, «Зоркам» Telegram і шмат чаму яшчэ, Telegram дасягнуў прыбытковасці. Дзякуючы вам, нашым карыстальнікам, мы змаглі дасягнуць гэтай мэты — што дазволіць нам працягваць рабіць месенджар пад патрэбы карыстальнікаў і ахоўваць вашу прыватнасць.

На гэтым мы завяршаем прэзентаваць сённяшняе абнаўленне — якое павінна было стаць 17-ым вялікім абнаўленнем 2024 года, але на жаль адсутнасць увагі з боку каманды праверкі Apple затрымала яго. Мы зычым вам шчаслівага Новага года, і мы хутка вернемся, каб зрабіць 2025 яшчэ больш яркім.

1 студзеня, 2025
Каманда Telegram