Мұрағатталған чат, жаңа дизайн және т.б.

Бүгінгі жаңарту хаттарды реттеуге арналған құралдар береді: мұрағатталған чаттар, Android-тағы жаңа дизайн және мессенджерді барынша тиімді қолдануға көмектесетін басқа да ыңғайлы мүмкіндіктер.

Бәрі өз орнында

Чаттар тізімін көктемгі тазалауға арналған жаңа құрал – мұрағатталған чаттар. Белсенді және белсенсіз чаттарды бөліңіз, жеке істерді жұмыстан ажыратыңыз немесе мазасыз контактілерді мұрағатқа жіберіп, кек қайтарыңыз!

Чатты мұрағатқа жіберу үшін оны солға сырғытыңыз. Мұрағатталған чатқа хат келсе, ол мұрағаттан шығып, қайтадан чаттар тізіміне оралады. Ал дыбысы өшірілген чаттар мәңгі мұрағатта қалады.

Мұрағатты солға сырғытып жасыра аласыз. Қайта көру үшін экранды төмен жылжытыңыз.

Мұрағаттағы чаттарды қалаған ретпен ұстау үшін шексіз чаттарды бекіте аласыз. Мәлімдемемен мұрағаттан шыққан чаттарды қайта мұрағаттап, оларды бастапқы орнына қайтаруға болады.

Көп әрекеттер

Уақыт – ақша, ал ақша мысыққа тамақ сатып алады. Сондықтан уақытты босқа өткізбей, Android-тағы Telegram-да енді қолжетімді чаттар тізіміндегі көп әрекеттерді қолданыңыз. Чатты ұзақ басып тұрып, жаңа мәзірді ашыңыз да, бірнеше чаттарды таңдап, оларды бекітіңіз, үнсіз етіңіз, мұрағаттаңыз немесе жойыңыз, қазір бұрынғыдан да жылдам.

Android-тың жаңа киімі

Android-тағы Telegram әлдеқайда сәнді болды: қолданбаның жаңа таңбасынан бастап, барлық мәзірге дейін жаңа дизайнға ие.

Қолданбаның жаңа таңбасы

Жаңа мәзірлерді жылжыту

Чаттардағы хаттарды таңдау енді стильді ғана емес, функционалды да, жаңа жылдам жіберу батырмасы бас бармағыңыздың астында пайда болады.

Көбірек ақпарат

Кеңейтілген чат тізімімен сіз хаттардан көбірек мәтінді көре аласыз. Чат мәзірінен Үш жол таңдаңыз да, әр чатта әдеттегі екі жолдың орнына үш жолға дейін көріңіз.

Чат тізімін көру баптауы

Көбірек бөлісу

Хатты кеңінен бөліскіңіз келе ме? Жаңа толық экранды көрсету мәзірін ашып, барлық досыңызды таңдаңыз. Ал сөздеріңіз аз болса, енді түсініктеме өрісі эмоджилерді қолдайды.

Жаңа бөлісу мәзірі

Жаңа дизайн стикер жинағын бөлісуді де жеңілдетті.

Жаңа стикерлер жинағының көргісі

Өтуге болмайды

iOS-та құлыптау кодының баптауы стильді әрі сенімдірек болып, бұрынғы 4 таңбалы және әріп-саннан тұратын кодтарға қосымша 6 таңбалы кодтарды қолдайды. Құпияны сақтаңыз, қауіпсіз ұстаңыз .

Жуырда қолданылған стикерлерді тазалау, осылайша ешкім күлкілі ит стикерлерін қаншалықты жақсы көретініңізді дәлелдей алмайды.

Жуырдағы стикерді тазалау

Сонымен қатар біз ірі эмоджилерді чат бауырсақтарынсыз табиғи көрінеді деп ойлап, оларды кішкентай стикерлерге ұқсаттық.

Ірі эмоджи үшін жаңа көрініс

Жеңілдетілген жөнелту, хатқа сілтеме, желіде таңбасы

Хатты жөнелткенде қате чат таңдадыңыз ба? Жібермес бұрын мәтін өрісінің үстіндегі үзіндіге басып, хатты қай чатқа жіберілетінін өзгертіңіз.

Алушыны ауыстыру

Сөйлесудің нақты хатына сілтеме жасағыңыз келсе, енді жеке топтар мен арналардағы хаттарға да сілтемелерді көшіруге болады, бұрын бұл тек жария хаттарға қолжетімді еді. Әрине, жеке чаттарға сілтемелер тек сол бірлестік мүшелеріне жұмыс істейді.

Жеке хаттарға сілтеме

Маңыздысы: енді чат тізімінен және бөлісу мәзірінен кімнің желіде екенін бірден көре аласыз.

Әдеттегідей, барлық платформадағы жаңа жаңартуларды күтіңіз, біз келесі нұсқамен мұрағаттан қайта шығуға асықпыз.

2019 жылы 9 мамыр
Telegram командасы