Смарт-сағат қолданбасы, ботқа арналған пішімделген мәтін, топқа арналған ЖИ сақшылар және т.б.

Бүгінгі жаңарту Telegram-ды екі білегіңізге де киюге мүмкіндік береді және ондаған жаңа мүмкіндіктер мен жақсартулар әкелді.

• Telegram-ды Apple Watch пен Android смарт-сағаты арқылы алыңыз:
  • Мәтін мен дауысхат жіберу
  • Дауысхатты тыңдау
  • Медиа мен бейнехатты көру
  • Ұзын хатты оқу
  • Орынды алдын ала көру
  • Стикер жіберу
  • Чаттарды басқару
• Ондаған пішімделген мәтін нұсқасы бар боттан пішімделген хат алыңыз:
  • Медиа, айналма және коллаж
  • Кесте мен кірістірілген дәйексөз
  • Тақырып пен анкер
  • Жасырылмалы бөлім мен сілтеме
  • Математикалық форматтау және формула
  • Жоғарғы индекс, төменгі индекс және таааааа0000000ғы
• ЖИ сақшысын арқылы тобыңызға адамдарды қоспай тұрып, алдын ала тексеріп алыңыз.
• Сауалнама нұсқасына сілтеме қосыңыз.
• .md файлын тікелей Telegram браузерінде ашыңыз.
• IOS-та таңдалған браузерде қандай сілтеме ашылатынын басқарыңыз.
• Android-та жаңа тақырып тақтасымен көбірек чатты көріңіз.

Бәріне арналған смарт-сағат қолданбасы!

Адамдардың көпшілігінің кем дегенде бір қолы бар, ал кейбіреуінде смарт-сағат бар. Жоғарыда айтылғанның барлығы сіз үшін дұрыс болса, қуаныңыз: бізде Apple Watch пен Android Wear OS үшін жаңа қолданбалар бар.

Енді телефонды түсіріп алмай, чат пен медианы шолып, кез келген ұзындықтағы хатты оқи аласыз. Келесі кабинада ешкім болмаса, дауысхатты тыңдауға және бейнені көруге болады. Қолдарыңыз сыдырманы көтеруге бос болмаса, мәтін немесе дауысхат жібере аласыз.

Белгілі бір себеппен Android әзірлеушіміз үнсіз ету және чат бекіту, сондай-ақ хатты жою мүмкіндігін қосты. Ал iOS әзірлеушісі орынды көру және стикер жіберуді қосты. Неге?? Белгісіз. Оларды келесі жаңартуда бұл мүмкіндіктерді бір-бірінен ұрлауға көндірдік.

Huawei сағатын қолданып, Wear OS қолданбасын іске қоса алмасаңыз, сыпайы түрде сұраңыз, әзірлеушілеріміз сіз үшін де қолданба жасайды. Экзотикалық нәрсені қолданып жүрсеңіз, мынаны көріңіз немесе жеке қолданбаңызды жасаңыз.

Ботқа арналған әдепсіз мәтін пішімдеу

Telegram – ЖИ боттары кездесу, сөйлесу және бәсекелесу үшін баратын жер. Боттың назарын аудара алсаңыз, ол енді пішімделген мәтінмен жауап бере алады.

Бұған пішімдеу, кестелер, дәйексөздер, тапсырма тізімдері, кірістірілген суреттер және т.б. кіреді.

Боттар сондай-ақ осындай КӨПТЕГЕН заттарды бір хатқа жинай алады, қазір 32 768 таңбаға дейін, алғашқы 8000-нан кейін толығырақ батырмасы бар.

Әзірлеушілер мәтінді пішімдеуге қатысты құжаттарымызды осында зерттей алады.

Топ чатына арналған сақшы боттар

Сізге топ чатының есігін күзету үшін ақылды бұлшықет қажет болса, сіз қосылу сұраныстарын өңдеу үшін ЖИ боттарын әкімші ретінде қосуға болады. Әрине, қаласаңыз, чатқа жазған әділетсіздерді де соққылай алады.

ЖИ сақшылары икемді шағын қолданба бетбейнелерін жаңа үміткерлерді тексеру үшін қолдана алады, мысалы: адамдарды пікір қалдырмас бұрын ақыры IQ тестінен өткізуге мәжбүрлейді.

Сауалнама нұсқасындағы сілтеме

Telegram жеке сауалнама қолданбасы ретінде жұмыс істей алатын сауалнамалармен қазірдің өзінде көп нәрсе жасауға болады. Бірақ бұл жеткілікті ме? Ешқашан!

Сауалнама нұсқаларына енді қосымша мәнмәтін мен бұл пайдалы дозасы үшін сілтемелер қосылуы мүмкін.

MD файлын қолдау

Қолданбадағы браузер енді .md пішіміндегі Markdown файлын қолдайды және мәтінді нативті бейнелейді.

Миллиардтан астам Telegram қолданушылары, аналар мен әкелер, әжелер мен аталар және басқа демографиялық топтар өздерінің .md файлдарын ашып, Markdown-ды дұрыс көрмейінше, біз жай ғана демала алмадық.

IOS-та браузерді жылдам таңдау

Сыртқы сайттарға сілтемелерді тікелей Telegram браузерінде немесе өзіңіз таңдаған қолданбада ашуға болады. Енді сілтемені ұзақ басып тұрғанда әдепкіден басқа браузерді оп-оңай таңдай аласыз, енді сілтемелерді көшіру мен қосу немесе қолданбаларды ауыстыру қажет емес.

Әлі де осыны оқып отырсыз ба? ЖИ көмекшіңіз қорытынды жасай алмады ма? Ендеше, тағы бірдеңе бар!

Android-та да, iOS-та да Telegram браузерінде әрқашан ашу немесе ешқашан ашпау үшін сайттарды ақ тізімге қосуға болады. Айтпақшы, Telegram браузері шолу тарихын сақтамайды, сондықтан курстық зерттеулеріңіз бен үй тапсырмаларыңыз толықтай қауіпсіз.

Браузер баптауын басқару үшін Android-та Баптау → Чат → Қолданбадағы браузер немесе iOS жүйесінде Баптау → Құпиялық пен қауіпсіздік → Сілтеме ашу бөліміне өтіңіз.

Бұл жерде біз әдетте негізгі тақырыптарға қандай да бір байланыс қосамыз және бізде жаңа мүмкіндіктер бар екенін айтамыз.

Жарайды, кездескенше…

2026 жылы 11 маусым
Telegram командасы